احلى نكت في الدنيا وادحك من قلبك

دائما هناك عاده مصريه انه حين تذداد الازمات والكبوات نتغلب على حزننا بالضحك لذلك فضلت ان اشارككم بهذه العاده الجميله فبذياده الحزن العربي فاول شئ فكرت فيه كيف نتغلب على حزننا بالضحك الجميل والابتسامه العريضه فلم اجد افضل من النكت المصريه التي تجعل من يسمعها يضحك من قلبه بشده وينسى احزانه

والضحك معروف انه يزيد العمر فاطال الله بقائكم جميعا

ــــــــــــــــــــــــــــــــــــــــــــــــــــــــــــــــــــ فلنبدا الضحك من الان ـــــــــــــــــــــــــــــــــــــــــــــــــــــــــ

واحدة بتقول لجوزها ،الراجل اللي ساكن قدامنا طول مهو داخل وخارج بيبوس ايد مراته ، انت مش بتعمل زيه ليه ، قالها انا معرفش مراته اصلا

مره واحد فشار قوى بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحره طلع عليا اسد أكلنى.. ارتحت

مرة واحد رخم اوى وقع في حفرة ، قال احسن

عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونشكرا على الموضوع يا حلوب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده

مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم

مرة واحد فشار قوي قاعد على القهوة مع واحد صاحبه وقالوا إن أبو جهل كان بيتعشى معاه أمبارح في البيت فرد صاحبه وقالو يا كداب أبو جهل مات من الف وربعميت سنه قام الفشار منادي على جاره قالوه مش أبو جهل كان بيتعشى معايا أمبارح جاره قال الكدب خيبه .... بس كان فيه عربيه راكنه هنا أمبارح نمرها ملاكي قريش

واحد ركب اتوبيس.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: أبراهيم شرطه

الصداقة بين النساء : لم تعد الزوجة بيتها ذات ليلة .. وفي اليوم التالي قالت لزوجها أنها كانت نائمة عند صديقة لها ..! اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك الليلة . الصداقة بين الرجال : لم يعد الزوج لبيته ذات ليلة ..وفي اليوم التالي قال لزوجته أنه كان نائماً عند صديق له ..! اتصلت الزوجة بأفضل 10 أصدقاء للزوج لتتأكد من صحة كلامه ... ثمانية منهم أكدوا أنه كان نائماً عندهم تلك الليلة .. فيما أقسم اثنان أنه لا يزال عندهم إلى الآن

مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو

انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة .

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود شكرا على الموضوع يا حلورهم بسهوله قال لهم طالما معاكم البغل ده مافيش خوف عليكم

مره فى ثلاثه بنات ماشيين فى الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان ماشى وراهم وسمعهم ام راح يسلم عليهم ويقول انا العميد يونج يانج الشهير بابو تريكا

مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى

فى مرة اثنين كدابين قوي قاعدين امام الاهرمات الاول قال للثانى تعرف الهرم ده امى هى اللى بانيته فالتانى قاله تعرف البحر الميت قاله اه قاله اخواتى هما اللى قتلوه

مرة ظابط طلع على المعاش فتح محل حلويات سماه التورتة في خدمة الشعب

واحد بيقول لخطيبته لما ازمرلك انزليلي قالتله:انت جبت عربيه جديده ... قالها:لا جبت زماره ...

مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

مرة واحد ندل ركب اتوبيس شاف واحدة قاعدة، بصلها بصتله، غمزلها غمزتله، قالها انزلي المحطة اللي جاية، نزلت راح قاعد مكانها

مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما "بكون واقف فى المحل مع ابويا ينابيع يا ابويا يبيع"

مرة ثلاثة مجانين الدكتور جاب ثلاث كبايات مياه فقال لهم "أغطسوا" غطس أتنين ولم يغطس الثالث وتوقع الدكتور أنه خف فقال له "لماذا لم تغطس؟" قال له "خايف أغرق"

مرة واحد ندل فتح مصنع بيبسي , كتب على العلبة "رج جيدا قبل الفتح

واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه

مره ثلاث نسور بيتراهنوا مين يصطاد أكتر ,النسر الأول راح ورجع فكان منقاره عليه دم فسألوه النسور التانين الدم ده من ايه قالهم شايفين الصخره اللى هناك اصطتدت عندها أرنب,فراح النسر التانى ورجع فكان منقاره عليه دم أكتر فسألوه الدم ده من ايه فقالهم شايفين الشجره اللى هناك اصطتدت عندها غزاله,راح النسر التالت ورجع مليان دم فى كل حته فى جسمه فسألوه الدم ده من ايه قالهم شايفين العمود اللى هناك ده قالوا له اه قالهم انا ماشفتوش

مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه

مرة واحد بيقول لمراته "اعملى محشى" فقالت له "ما بعرفش" قلها "ماليش دعوة" فراح الشغل ورجع لقى السفرة مليانة محشى قلها "مين اللى عمله؟" فقالت "معرفش" فأشتكى للبواب، البواب رد وقاله "الشقة ديه مسكونة" فقله "لاياعم أنا هروح شقة حلوان" فطلع الشقة لقى العفش محلول وهو نازل لقى أربع عفاريت بيغنوا "هنروح حلوان هنروح حلوان"

مرة اثنين واحد رزل والتانى تنح الاول قال للتانى علمنى الرزاله قاله اوكى اتصل برقم قال الحاج حسن موجود قاله لا راح اتصل تانى وقال الحاج حسن موجود قاله لا راح الاول قال لتانى انا علمتك الرزاله علمنى التناحة راح اتصل بنفس النمرة وقال انا الحاج حسن محدش سأل عليا

مرة دبانة سقطت فى كاس خمرة طلعت تقول وسع للنسر

فريق نمل بيلعب ومن ضمنهم صرصار لية...؟ لاعب اجنبى

مره واحد شكرا على الموضوع يا حلولان اوى راح يحلق فالحلاق بيقله شعر ولا دقن قاله دقن قام الحلاق قاله طب ارفع راسك قاله خلاص خليها شعر

حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا

واحد ماشى ورا وحدة قالها الحلوة وراها مشوار قالتلة لا وراها حمار

مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح

مرة حكم قاعد علي قهوه الصبى بيقولو عايز اية قالوا عايز واحد صفر وبسرعة

مره واحد بيقول لمراته اقولك نكته قالتله قول قالها نكته قالتله هيه بارد قالها هيه طالق

مرة واحد رخم أوى دخل سينما مفيهاش الا واحد راح قعد وراه وقاله لو سمحت كده شوية ؟

بياع سمك ابنه مات . مشى فى الجنازة يقول كان صاحى وبيلعب

مرة واحد بلطجي حب يتروشن كتب علي الشومة اديداس

كمبيوتر طلق مراتة فالتة والسي دى اللى فى بطنى اوديه فين

مرة واحد سنانه كلها مخلعة ماعندوش غير انياب راح قدم على وظيفة شغلوه خرامة

فضاءين نزلو الارض في محطة بنزين مافيهاش حد فلفوا حولين مضخة بنزين لفوا حوليها ورجعوا تاني فاصحابهم قالولهم :اية هو شكل سكان الارض فقالولهم :هم تقريبا زينا بس بيناموا وهم واقفين و بيحطوا صباعهم في ودانهم

مرة واحد اكل رز معمر ضرب فى وشه

واحدة قابلت جارتها قالتله بقالى مدة مشفتكيش كل سنة وانتى طيبة بمناسبة رمضان ايه خير انتى لسة لابسة اسود ليه قالتلها اسكوتى مش عمك كان نفسة فى الكتنافة اول يوم فى رمضان نزل يجيب قبل مايضرب المدفع ب 5 دقائق وهو ماشى راحت عربية خبطاه قالتلها وعملتى ايه قالتلها عملت قطايف

مره واحد شرب قهوه الكراسى وقفت فى زوره

واحد مدمن انترنت بيضطروا يدوله لنك فى الوريد ويشربوه شات بلبن

مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟

مرة واحد كل لما يعدى من شارع يشوف واحد بيشرب سجارتين فساله مره ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله اصل انا بطلت

مره اتنين في اخر الخدمه في الجيش .... الظابط: بيسأل الاول عندك كام سنه 30 يا بيه قعدت كام سنه في الجيش 3 يا بيه معاك شهاده حسن سير و سلوك ... الاتنين يا بيه خرج و قال لصحبه الاجابات 30 /3 الاتنين يابيه الظابط يسأل التاني : قعدت كام سنه في الجيش 30 عندك كام سنه 3 الظابط : مهو حاجه من الاتنين يا انت مجنون يا انا مجنون الاتنين يا بيه

واحد بيحب يلعب بلاى استيشين ابنة مات كتب على قبرة game over

مره واحد أهبل قال والله العظيم ما هنام الا اما اخلص اللبانه

ــــــــــــــــــــــــــــــــــــــــــــكفايه كده المره دي وهادملكو المزيد انشاء الله ـــــــــــــــــــــــــــــــــــــــــــــــــــ

هههههههه يسلمو بجد حلوين

هههههههه : تسلم يا عمرو يا المشرف ,, تلات مشرفين ورا بعض

ههههههههههههههه روعة

شكرا على مروركم جميعا

ههههههههههههههههه

مشكووووووووووور

يسلمو

تقبل مروري

تسلم يا المشرف الجديد : مبروووك كتير

ههههههههههههههههههههههه يسلمو يا احلا مشرف

3333333333333

مشكورين على المرور